IRCAM - Missions et Perspectives
asinag agldan n tussna tamaziƔt (IRCAM) d ict n tmrslt tagldant iluln g usggʷas n 2001 tili tama n ugllid muḥmmd wiss ṣḍiṣ d ddaw n umur nns. isbdd uḍahiṛ agldan amattuy (uṭṭun 1-01-299), xf mi isrs ugllid azwl nns ass n 17 kṭubṛ 2001 g ujdir, tirsal nns, iswuttu tinagmaḍin nns d isuyas n twuri nns.
[ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵉⵛⵜ ⵏ ⵜⵎⵔⵙⵍⵜ ⵜⴰⴳⵍⴷⴰⵏⵜ ⵉⵍⵓⵍⵏ ⴳ ⵓⵙⴳⴳⵯⴰⵙ ⵏ 2001 ⵜⵉⵍⵉ ⵜⴰⵎⴰ ⵏ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⴷⴷⴰⵡ ⵏ ⵓⵎⵓⵔ ⵏⵏⵙ. ⵉⵙⴱⴷⴷ ⵓⴹⴰⵀⵉⵕ ⴰⴳⵍⴷⴰⵏ ⴰⵎⴰⵜⵜⵓⵢ (ⵓⵟⵟⵓⵏ 1-01-299), ⵅⴼ ⵎⵉ ⵉⵙⵔⵙ ⵓⴳⵍⵍⵉⴷ ⴰⵣⵡⵍ ⵏⵏⵙ ⴰⵙⵙ ⵏ 17 ⴽⵟⵓⴱⵕ 2001 ⴳ ⵓⵊⴷⵉⵔ, ⵜⵉⵔⵙⴰⵍ ⵏⵏⵙ, ⵉⵙⵡⵓⵜⵜⵓ ⵜⵉⵏⴰⴳⵎⴰⴹⵉⵏ ⵏⵏⵙ ⴷ ⵉⵙⵓⵢⴰⵙ ⵏ ⵜⵡⵓⵔⵉ ⵏⵏⵙ.]
tga tmazzalt n usinag agldan n tussna tamaziƔt ad yuc amnad nns i ugllid xf isugduyn d tardasin izmrn ad yaws g usistn d tgmi n tutlayt d tussna tamaziƔt.
ittaws usinag, s tmdrawt n tnbaḍt d tmrsal nnḍnin, g uzzgr n tsrtiyin nna xf d imsasa ugllid. ig ukccum n tmaziƔt s udus asgman d imassn n umyawaḍ d yigr agdudan awttas n tsrtiyin ad.
iṣka usinag(IRCAM) tawuri nns, ḥma ad ismd timazzalin nns, xf tiggawin n usiggl iƔawsn lli snmalan wammasn n usiggl, imsasa d fllasnt usqqim n tmassagurt. yus d g tguriwin n uḍahiṛ agldan blli uman isuyas n twuri nns tillal a :
- asmuttr d tirra n iwnnitn d tysi n tussna tamaziƔt d usistn d ussissn nnsn.
- asilli n isiggiln d tzrawin xf tutlayt tamaziƔt d ussissn n tyafutin n twuriwin a. amux illa xf usinag ad imasa i imsiggiln d imẓṛan iswurin g igr n tussna tamaziƔt.
- tigmi n usnulfu anaẓuṛ g yigr n tussna tamaziƔt ḥma ad yaws dg ussissn d usẓnẓṛ n tysi tamƔribiyt dg iẓmẓlayn nns iƔrmann.
- asmuttg n iƔawasn n igi ibidagujiyn izdin d usslmd amattu nƔ wid izdin d ihiln iẓlin i tiƔawsiwin tinadƔarin niƔ i tudrt tasgawant.
- tiwisi g usmuttg n ihiln n usddnki intti nƔ izubdan iẓlin i imssugar ibidagujiyn yusin tamasayt n usslmd n tmaziƔt, niƔ imswura d imggayn isƔawsan s ussuggy n tmaziƔt g twuri nnsn, niƔ ca n yijj ixsn ad tt ilmd.
- ḥma ad ismd usinag timazzalin a d tillal kidsnt izdin, inmala usinag agldan n tussna tamaziƔt, iggi n ussqim n tmssugurt, xf snat n tṣkiwin : tamzwarut tamssagurt nni g tlla tnbdadt, tanflust tamattut d igzda yaḍn, d tiss snat tuṣkiwt takadimiyt ibḍan xf wammasn n usiggl.
